Select a Verse
Linga nan Ganu
1Apa cine e ne'eshein olobo a Haruna.
Olobo a Haruna ele ɗa: Nadab na̱ Abihu na̱ Eliyaza na̱ Itama. 2Amma Nadab na̱ Abihu a̱ kuwa̱ ta̱ kafu dada le kuwa̱, agba a̱ ri no olobo shi, adama o ndolo a̱vu Eliyaza na̱ Itama a uwa ulinga u tsuganu. 3Ni ikambi ya Saduku ulobo wa Eliyaza na̱ Ahimele ulobo wa Itama, Da̱wuda ne'eshen ta̱ ugundo wa Haruna oɓolo oɓolo o una̱ wu ulinga u le. 4Ana wo o'woi ugundo wa Eliyaza u shi ta̱ na azagbain a̱bunda̱ ula'awu nu ugundo wa Itama, e ne'eshen yi ta̱ tsunda: azagbain kupa na̱ a̱za̱ a̱ ta̱li wu umatsun wu u'wa wa Eliyaza, na̱ kunla̱ waru o umatsun wu u'wa wa Itama. 5A ca ta̱ oɓolo suru ulinga wa̱ yi o una̱ u mazuwa ma agita babu roco aɗangulu, adama a na a̱ da̱na̱ ta̱ na azagbain a̱ a̱ga̱nda̱ a̱tsuma̱ o u'wa wa̱ A̱sula̱ na azagbain a̱ A̱sula̱ a̱tsuma̱ o umatsun wa Eliyaza na̱ Itama.
6A̱vu Shemaya ulobo wa Nataniya za vi iɗana vuma va̱ Levi ɗana ala e le elime o mogono na̱ azagbain: Saduku ganu, na̱ Ahimele ulobo wa Abiyata na̱ azagbain a 'wa nan ganu na̱ nan Levi. Reve a ɗangula umatsun u ta̱ diga o ugundo wa Eliyaza za ta̱ waru diga ya Itama.
7Agita o ufaru a̱ riya̱ ta̱ ya̱ Jehoyari,
za va ire waru ya̱ Jedaya,
8za va ta'atsu ya Harim za̱ va̱ na̱shi ya̱ Seyorim,
9za va tawun ya Malkiya,
za̱ va̱ ta̱li ya Mijamin,
10za̱ va̱ cindere ya Hako, za̱ va̱ kunla̱ ya Abiya,
11za̱ va̱ kucci ya̱ Jeshuwa,
za va kupa ya̱ Shekaniya.
12Za va kupa na̱ za ta̱ ya̱ Eliyashi,
za va kupa ne ejere ya̱ Jakim,
13za va kupa na aza a ta'atsu ya Hupa,
za va kupa na̱ a̱za̱ a̱ na̱shi ya̱ Jeshebe,
14za va kupa no ozo o ton ya̱ Bilga,
za va kupa na̱ a̱za̱ a̱ ta̱li ya Ima,
15za va kupa na̱ a̱za̱ e cindere ya̱ Hezi,
za va kupa na̱ kunla̱ ya Hapize,
16za va kupa na̱ kuci ya̱ Petahiya,
za vu ushin ya̱ Jehezikel,
17za vu ushin na̱ za ta̱ ya̱ Jakin, za vu ushin ne ejere ya Gamu,
18za vu ushin na̱ a̱za̱ ata'atsu ya̱ Delaya,
za vu ushin na̱ a̱za̱ a̱ na̱shi ya Ma'aziya.
19Oɓolo suru a tara ta̱ ulinga wa̱ yi a̱tsuma̱ o u'wa wa̱ A̱sulazuva ununa akaya e le Haruna zuwaa nle, cine A̱sulazuva a̱ A̱sula̱ a Isra'ila a damma niyi.
Akapi a nan Levi
20Adama a akapi o olobo a nan Levi ele ɗa:
diga o olobo a Amuram a̱ da̱na̱ ta̱ na̱ Shubaye,
diga o olobo a Shubaye a̱ da̱na̱ ta̱ na̱ Jedeyiya.
21Diga ya Rehabiya a̱ da̱na̱ ta̱ na̱ Ishiya ulobo wu ufaru.
22Diga ya Izaha a̱ da̱na̱ ta̱ na̱ Shelomo,
diga o olobo a̱ Shelomo a̱ da̱na̱ ta̱ na̱ Jaha.
23Olobo a Heburon ele ɗa: Yeriya za vu ufaru, na̱ Amariya za va ire na̱ Yahaziyel za va a ta'atsu na̱ Yokimeyam za̱ va̱ na̱shi.
24Ulobo wa Uziye a̱yi ɗa: Mika,
diga a̱tsuma̱ o olobo a Mika a̱ da̱na̱ ta̱ na̱: Shami.
25Mawun ma a̱na̱wun ma Mika aala a̱ yi a ɗa: Ishiya,
diga a̱tsuma̱ o olobo a Ishiya a̱ da̱na̱ ta̱ na̱: Zakariya.
26Olobo a Merari ele ɗa: Mali na̱ Mushi.
Ulobo wa Yaziya a̱yi ɗa: Beno.
27Olobo a Merari,
diga ya Yaziya a̱ da̱na̱ ta̱ na̱: Beno na̱ Shoham na̱ Zaku na̱ Ibiri.
28Diga ya Mali a̱ da̱na̱ ta̱ na̱: Eliyaza, za na ri no olobo shi.
29Diga ya̱ Kish a̱ da̱na̱ ta̱ na̱: Jerameyel.
30Olobo a̱ Mushi ele ɗa: Mali na̱ Eda na̱ Yerimo.
Ele nda ele ɗa nan Levi o una̱ u limatan le. 31Ele fo a yuwan ta̱ mazuwa ma agita ununa mmaci mu ugundo wa Haruna n yuwain, elime o Mogono Da̱wuda na̱ Saduku na̱ Ahimele na azagbain a limatan nan ganu na̱ nan Levi. A yuwan ta̱ na̱ limatan vu zakpara suru una̱ta̱ na̱ za vu zawa'a.
