Select a Verse

A̱tsuma̱lima̱ o ukwa̱ u umatsun wu ufaru

1A̱vu A̱sulazuva a damma Musa, <2Vu damma ama a Isra'ila, ali na̱ a̱ma̱ci suru, a̱ 'ya̱wa̱ uba̱ta̱ wa ama a Masar, nron mu nden n le, a pati le ili i na a yuwain na̱ azurufa na̱ zinariya.>> 3Reve A̱sulazuva a zuwa aza a Isra'ila a̱ tsura̱ isa'ani e ekere a aza a Masar. Musa waru a aciya̱yi reve a ca yi tsugbain lon e ekere a azagbain a Firi'awuna na aza a Masar suru.

4Musa damma ta̱ ɗe mogono, <5Muwun mu ufaru mo olobo a Masar suru a̱ ta̱ kuwa̱. Diga a mawun mo ulobo mo ufaru ma Firi'awuna za na ri nden o ootogu o tsugono a̱ tyo a mawun mo ufaru ma na aagbashi o usheli a yira a matsain, suru a̱ ta̱ kuwa̱. Waru umatsun wu ufaru wi iliyamunga suru fo a̱ ta̱ kuwa̱. 6A̱ ta yuwan mesun mo usuɗuwu uba̱ta̱ suru a̱tsuma̱ a Masar: Koto a yuwan cu'un mesun mo ndolo shi, waru a̱a̱ da̱shi yuwan cu'un va̱ yi shi. 7Agba uba̱ta̱ wa ama a Isra'ila, ko musa̱n maa ɓara vuma ko iliyamunga shi.> Ɗaɗa yee reve A̱sulazuva a kakasa ta̱ aza a Masar na aza a Isra'ila.

8< Na a yuwan ne, a̱vu n ka̱ra̱.>> Reve Musa ka̱ra̱ nu upan u lyawa Firi'awuna.

9A̱sulazuva a damma ta̱ ɗe Musa, <> 10Musa na̱ Haruna a yuwan ta̱ ili ya asalama i nda suru a̱ ma̱ka̱ka̱n ma Firi'awuna, A̱sulazuva a zuwaa yi ta̱ aciyogbamu, reve u putsa aza a Isra'ila na aa lyawa iɗa'a.