Select a Verse
Akunda e iɗa i na a cayi ugundo wa Saminu
1Agita e ire e iɗa'a za vu ugundo wa Saminu u ɗa, umatsun umatsun. Agadu e iɗa le o o'wo ta̱ e memere mo utyo wu ugundo wa Yahuza.
2Upasu wa agadu e le u ɓolo ta̱ na̱: Biyasheba na̱ Sheba na̱ Molada 3na̱ Haza Shuwa na̱ Bala na̱ Ezem 4na̱ Elutola na̱ Betul na̱ Homa 5na̱ Ziklag na̱ Bet Makabo na̱ Haza Susa 6na̱ Bet Lebawo na̱ Sharuhen. A̱bunda̱ e ilyuci i le na̱ mulyuci n le kupa na aza ata'atsu a ɗa.
7Waru oɓolo na̱ Ayin na̱ Rimon na̱ Eta na̱ Ashan. A̱bunda̱ e ilyuci i le na̱ mulyuci n le a̱za̱ a̱ na̱shin a ɗa. 8Waru oɓolo na̱ mulyuci suru n na n ka̱nda̱ruwa̱i ilyuci i nda, hali a rawa Ba'alat Biya, za na a̱yi ɗa Rama a̱tsuma̱ e Nege.
A̱yi nda a̱yi ɗa agadu o ugundo wa Saminu umatsun umatsun. 9Agadu o ugundo wa Saminu a paɗa yi ta̱ a̱tsuma̱ a akunda a Yahuza, adama a na akunda a Yahuza u yuwan le ta̱ a̱bunda̱. Adama o ndolo ugundo wa Saminu u tsura̱ ta̱ agadu a̱ yi a̱tsuma̱ e memere mo upasu wa agadu a Yahuza.
Akunda e iɗa i na a cayi ugundo wa̱ Zebulun
10Agita a ta'atsu e iɗa'a za vu ugundo wa̱ Zebulun u ɗa, umatsun umatsun.
Utyo wa agadu e iɗa i le u rawa ta̱ hali Sari. 11A̱vu utyo u le u gawan a̱ tyo a̱livu waru a̱ tyo Mareya, reve u ju'wa̱n Dabashe nu uɗolu u na u ri zuzu na̱ Jokineyam. 12Diga upasu u ro wa Sari reve u konzo asana a̱ tyo o utyo wa Kislot Tabo, reve u ka̱ra̱ a̱ tyo Dabera a̱vu u gawan a̱ tyo Jafiya. 13Diga lo reve wu utula̱i na asana a̱ tyo Gat Hefa na̱ Et Kazin, reve wu utula̱i na̱ Rimon a̱vu u konzo a̱ tyo Neya. 14Diga lo reve utyo'o u konzo a̱ ka̱nda̱ruwa̱ ugana a̱ tyo Hanaton reve u koso o Uka̱ri wa Ifuta El. 15U ɓolo ta̱ waru na̱ Kata na̱ Nahala na̱ Shimron na̱ Idala na̱ Batalami. A̱bunda̱ e ilyuci i le na̱ mulyuci n le kupa ne ejere a ɗa.
16Ilyuci i nda na̱ mulyuci n le, ele ɗa agadu o ugundo wa Zebulun umatsun umatsun.
Akunda e iɗa i na a cayi ugundo wa Isaka
17Agita a̱ na̱shin e iɗa'a za vu ugundo wa Isaka ɗa umatsun umatsun.
18Utyo u le u ɓolo ta̱ ni ilyuci i nda: Yezireyel na̱ Kesulo na̱ Shunem 19na̱ Hafarayim na̱ Shiyon na̱ Anahara 20na̱ Rabi na̱ Kishiyon na̱ Ebe 21na̱ Reme na̱ En Ganim na̱ En Hada na̱ Bet Paze. 22Utyo'o u ju'wa̱n ta̱ Masasan ma Tabo na̱ Shahazuma na̱ Bet Shemesh, reve u koso nu Uɗolu wa̱ Urudu. A̱bunda̱ e ilyuci i le na̱ mulyuci n le kupa na̱ a̱za̱ a̱ ta̱li a ɗa.
23Ilyuci i nda na̱ mulyuci n le ele ɗa agadu o ugundo wa Isaka umatsun umatsun.
Akunda e iɗa i na a cayi ugundo wa Asha
24Agita a tawun e iɗa'a za vu ugundo wa Asha u ɗa umatsun umatsun.
25Utyo u le u ɓolo ta̱ ni ilyuci i nda: Helka na̱ Hali na̱ Beten na̱ Akishafa 26na̱ Alamele na̱ Amad na̱ Misha. Na̱ a̱livu utyo'o u ju'wa̱n ta̱ uba̱ta̱ wu nsasan ma Kame na̱ Shiho Libina. 27Reve u konzo asana a̱ tyo Bet Dagon. A̱vu u ju'wa̱n Zebulun nu Uka̱ri wa Ifuta El reve u vadala a̱ tyo ugana a̱ tyo Bet Eme na̱ Neyiye. Reve u lyuwa elime a̱ tyo ugana a̱ tyo Kabu 28na̱ Abdon na̱ Reho na̱ Hamon na̱ Kana, hali a rawa Sidon Gbain. 29Reve utyo'o u konzo a̱ ka̱mba̱ Rama a rawa e ilyuci ya Taya i na i ri uka̱nda̱ruwu nu ukari. Reve u konzo a̱ ka̱mba̱ Hosa, a̱vu u koso na̱ Mala ma Gbain mo upasu wa Akizi 30na̱ Uma na̱ Afe na̱ Reho. A̱bunda̱ e ilyuci i le na̱ mulyuci n le ushin ne ejere a ɗa.
31Ilyuci i nda na̱ mulyuci n le, ele ɗa agadu o ugundo wa Asha, umatsun umatsun.
Akunda e iɗa i na a cayi ugundo wa Nafutali
32Agita a̱ ta̱li e iɗa'a za vu ugundo wa Nafutali u ɗa, umatsun umatsun.
33Utyo u le u reme ta̱ diga Hele, diga o uɗanga wo Oku a̱tsuma̱ a Za'ananim reve u lyuwa elime a̱ tyo Adami Neke na̱ Jabuneye hali a rawa Lakum, reve u koso o Uɗolu wa̱ Urudu. 34Reve utyo'o u konzo a̱livu a̱ tyo Azinot Tabo, a̱vu wu utula̱i a̱ tyo Huko. Utyo'o u rawa ta̱ Zebulun upasu wu uyagi na̱ Asha upasu wa̱ a̱livu, na̱ Uɗolu wa̱ Urudu waru na asana. 35Ilyuci i na i ri uka̱nda̱ruwu na̱ kari ele ɗa Zidim na̱ Zer na̱ Hama na̱ Raka na̱ Kinere 36na̱ Adama na̱ Rama na̱ Hazo 37na̱ Kedesh na̱ Edirai na̱ En Hazo 38na̱ Iron na̱ Migidal El na̱ Horem na̱ Bet Ana na̱ Bet Shemesh. A̱bunda̱ e ilyuci i le na̱ mulyuci n le kupa na̱ kuci ɗa.
39Ilyuci i nda na̱ mulyuci n le ele ɗa agadu o ugundo wa Nafutali umatsun umatsun.
Akunda e iɗa i na a cayi ugundo wa Dan
40Agita e cindere e iɗa'a za vu ugundo wa Dan u ɗa umatsun umatsun.
41Utyo wa agadu e le u ɓolo ta̱ ni ilyuci i nda: Zora na̱ Eshitawo na̱ Ir Shemesh 42na̱ Sha'alabin na̱ Ajalon na̱ Itila 43na̱ Elon na̱ Timna na̱ Ekuron 44na̱ Eliteke na̱ Gibeton na̱ Ba'alat 45na̱ Jehud na̱ Bene Bera na̱ Gat Rimon 46na̱ Me Jakon na̱ Rakon nu upasu u na u ri a̱ nka̱la̱la̱i na̱ Japa.
47Agba ana ugundo wa Dan a gura usai utyo u le shi, ɗaɗa a gawain a̱vu a yuwan uvon na̱ Leshem. Reve a lyuwa yi nu uvon o kototo yi na̱ matsun me pe'eni a̱vu a usa yi. A̱vu a̱ da̱nu pe, reve a vadala aala a̱ lyuci'i a̱ tyo Dan na aala a akaya e le Dan.
48Ilyuci i nda na̱ mulyuci n le ele ɗa agadu o ugundo wa Dan umatsun umatsun.
Akunda e iɗa i na a cayi Josuwa
49Ana ama a Isra'ila o kotoi une'esun vu utyo vi iɗa'a akunda akunda, a̱vu a ca Josuwa ulobo wa̱ Nun agadu a̱ yi a̱tsuma̱ a za le. 50Cine A̱sulazuva a dammai, a ca yi ta̱ lyuci na u damma u cigai, lyuci va Timnat Sera vi iɗa ya agaɗi ya Ifiramu. Reve u suwisa lyuci a̱vu u da̱nu pe.
51A̱yi nda a̱yi ɗa agadu a na Eliyaza ganu na̱ Josuwa ulobo wa̱ Nun na azagbain a 'wa vu gundo va aza a Isra'ila e ne'eshein na̱ mazuwa ma agita a Shilo a̱ ma̱ka̱ka̱n ma̱ A̱sulazuva o una̱ntsutsu wo Oogodo o Uga'asusan. Ne ɗa o kotoi une'esun wi iɗa'a.
